ಬಾಗಲಕೋಟೆಯಲ್ಲಿ ವಿಜಯೇಂದ್ರ ಸಮ್ಮುಖದಲ್ಲಿ ಕಾಂಗ್ರೆಸ್ ಕಾರ್ಯಕರ್ತರ ಬಿಜೆಪಿ ಸೇರ್ಪಡೆ

ಬಾಗಲಕೋಟೆ: ರಾಜ್ಯಾಧ್ಯಕ್ಷ ವಿಜಯೇಂದ್ರ ಯಡಿಯೂರಪ್ಪ ಅವರ ಸಮ್ಮುಖದಲ್ಲಿ ಬಾಗಲಕೋಟೆಯಲ್ಲಿ ಕಾಂಗ್ರೆಸ್ ಕಾರ್ಯಕರ್ತರು ಬಿಜೆಪಿ ಪಕ್ಷಕ್ಕೆ ಸೇರ್ಪಡೆಗೊಂಡರು.

ಈ ಸಂದರ್ಭದಲ್ಲಿ ಬಿಜೆಪಿ ಪಕ್ಷಕ್ಕೆ ಸೇರ್ಪಡೆ ಮುಂದುವರಿದಿದ್ದು, ಹಲವು ಮುಖಂಡರು ಅಧಿಕೃತವಾಗಿ ಬಿಜೆಪಿ ಸೇರಿದ್ದಾರೆ. ದೇವರಾಜ ಪಾಟೀಲ, ದುಂಡಪ್ಪ ಏಳಮ್ಮಿ, ಜಿಲ್ಲಾ ಹಾಲುಮತದ ಸಮಾಜದ ಅಧ್ಯಕ್ಷ ಡಿ.ಬಿ. ಸಿದ್ದಾಪುರ ಸೇರಿದಂತೆ ಚೆನ್ನಪ್ಪ ಮಾಚಕನೂರ, ರಾಹುಲ್ ಚವ್ಹಾಣ, ಮಂಜುನಾಥ ಯಲ್ಲಾಪುರ, ಸಿದ್ದು ಯರಮಲ್ಲ, ಗಿಡ್ಡಪ್ಪ ಬಝಡಿವಡ್ಡರ, ಸಿದ್ದರಾಮಯ್ಯ ಹಿರೇಮಠ, ಬಸು ಸೂಳಿಕೇರಿ, ಗಣೇಶ ಸರೂರಪುರ, ಮಲ್ಲು ದೇಸಾರಯಿ, ಶಿವಾನಂದ ಶೆಟ್ಟ ಸೇರಿದಂತೆ ಅನೇಕರು ಬಿಜೆಪಿ ಸೇರ್ಪಡೆಗೊಂಡಿದ್ದಾರೆ.

ವಿಶೇಷವಾಗಿ, ಅಮೀನಗಡದ ರಾಹುಲ್ ಚವ್ಹಾಣ ಅವರ ನೇತೃತ್ವದಲ್ಲಿ ನೂರಾರು ಕಾಂಗ್ರೆಸ್ ಕಾರ್ಯಕರ್ತರು ಬಿಜೆಪಿ ಸೇರ್ಪಡೆಗೊಂಡಿರುವುದು ಗಮನಾರ್ಹವಾಗಿದೆ.

ಇದರ ಜೊತೆಗೆ ಇನ್ನೂ ಹೆಚ್ಚಿನ ಕಾಂಗ್ರೆಸ್ ಕಾರ್ಯಕರ್ತರು ಬಿಜೆಪಿ ಸೇರ್ಪಡೆಗೊಳ್ಳುತ್ತಿರುವುದು ರಾಜಕೀಯವಾಗಿ ಮಹತ್ವ ಪಡೆದುಕೊಂಡಿದೆ.